لما جيت اكتب عليكي كلمات مجاهد المصري
لما جيت اكتب عليكى
..........
لما جيت اكتب عليكى
طل نورك من عنيكى
روحت انهل من بحورك
وارتوى من سلسبيلك
واقطف الورد بايديكى
لما جيت اكتب عليكى
قلت ايوه هى ديه
هى دى ال تصون عنيه
هى ديت لما اتعب
القى منها راحة ليا
شفت فيكى الحب كله
احلى حب واحلى دنيا
لما جيت اكتب عليكى
روحت اوصف فى جمالك
وقوامك ودلالك
ولباقتك وثقافتك
واناقتك وشياكتك
لما جيت اكتب عليكى
توهت وتاه منى حرفى
خفت م التقصير فى نصى
خفت لانسى حاجه فيكى
ويلومونى الناس فى وصفى
لما جيت اكتب عليكى
روحت ابحث في المعاجم
عن كلام يوفيكى حقك
روحت ابحث في المناجم
عن درر الاقيها شكلك
روحت ابحث في البحور
عن شعب تهديلى وصفك
روحت ابحث فى السما
عن قمر فى ضيه زيك
روحت ابحث في الفضا
عن نجوم تساعد فى شرحك
لما جيت اكتب عليكى
مالقيت زيك حبيبتى
وسط كل الدنيا ديه
اصل انت فى النهاية
م السما اجمل هدية
لما جيت اكتب عليكى
.................
كلماتى /مجاهد المصرى
Commentaires
Enregistrer un commentaire